malesorja per te gjithe shqipetare

Stafi malesorja.com i uron webmasterit, Robertit Ivezaj martesen me të zgjedhuren e tij Fiollen Berishaj duke u deshiruar një jetë të gjatë dhe të lumtur bashkëshortore.

LAJMERIM

Fondacioni "Dom Simon Filipaj" të dilen me 22 tetor 2006, organizon darkë për rritje fondesh, për të varfërit e vendlindjes, gjegjësisht të komunes së Ulqinit. Darka do të shtrohet në restorantin Eastwood Manor në Bronx, New York, prej orës 6:00 PM deri në mesnatë. Do të na argëtojë këngëtari i jonë i mirënjohur Gjovani me grupin e tij. Biletat janë në shitje dhe kushtojnë $50.

Lusim gjith komunitetin shqiptar te New Yorkut me rrethe të marrë pjesë.

Pjesëmarrja e juaj, jo vetëm që do të gëzojë dhe nderojë anëtarët e Fondacionit, por më teper nderon dhe kujton të varfërit tonë në vendlindje.

Një angazhim i juaji është buzëqeshje dhe plotsim dëshirash për të varfërit tonë.

Biletat mund të rezervohen ne këto numra telefonit:

646-831-6379,

917-549-5523,

646-924-6945.

E-mail, DSFilipajFond@aol.com

ME NDERIME,

Fondacioni "Dom Simon Filipaj"

Washingtoni Reagon ndaj Trajtimit të Shqiptarëve në Mal të Zi 20.09.2006

Si rezultat i takmit të 9 Qershorit, 2006 ndërmjet Shoqatës Shqiptaro – Amerikane "Malësia e Madhe", Iniciativës Qytetare dhe Kongresit të Shteteve të bashkuara, Senatori Carl Levin (D-MI) dhe Kongresisti Sander Levin (D-MI) sot së bashku dorëzuan një peticion formal pranë Sekretares së Shtetit Condoleezza Rice në lidhje me trajtimin e Shqiptarëve etnik në Mal të Zi. Së bashku me peticionin, anëtarët e Kongresit bashkangjitën edhe letrën e nënshkruar nga delegacioni Shqiptarë e cila i ishte dorëzuar më heret Charles English nga Departamenti i Shtetit e cila nenvizonte keqtrajtimet të cilave u nënshtrohen Shqiptarët në Mal të Zi. Me gjeresisht...

malesia.org

Demostrata ne New York 19.09.2006

Shoqatat Atdhetare nga SHBA-të, organizuan protestë para ndërteses së OKB-së në New York, në shënje proteste ndaj arrestimeve dhe torturave të policisë malaziaze, javen e kaluar, ndaj shumë familjeve këtu në Malësi.
Edhe për kundra asaj se ishte ditë pune, rreth 1000 demonstrues (kryesisht shqipëtarë me origjinë nga Malësia) u bashkuan para qëndrës së OKB-së në New York...

Shiko Foto

Malesia.Org

Sot referendumi në Mal të Zi 21.05.2006

Qëndrat e votimeve hapen në ora 8:00 të mëngjesit dhe mbyllen në ora 21:00.
Komisioni Republikan i Referendumit ka njoftuar se në referendumin mbi statusin shtetëror–juridik, të drejtë vote kanë 484.718 qytetarë.
Sipas Ligjit të referendumit, Mali i Zi do të shpallet i pavarur nëse për këtë opsion do të deklarohen 55 për qind e votuesve që dalin në referendum. Nëse kjo nuk arrihet, atëherë referendumi mund të përsëritet pas tri vjetësh. Referendumin do ta ndjekin vëzhgues vendorë edhe ndërkombëtarë. Pritet që rezultatet e para jozyrtare të kumtohen një orë pas mbylljes së votimit.

malesia.org

Konferenca e trete e Lëvizjes “Atdheu na Bashkon” 11.05.2006

Te dielën me 30 Prill, 2006 ne New York u mbajt Konferenca e Trete e Lëvizjes “Atdheu na Bashkon” nën moton “Bashkimi Bënë Fuqinë.”
Me qellim te konsolidimit te spektrit politik shqiptar ne Mal te Zi,te arritjes se koncensuesit dhe bashkeveprimit ne mes te partive politike shqiptare te atjeshme,si si atyre ne pushtet ashtu edhe partive opozitare ,veprimtare dhe aktiviste shqiptare te organizatave dhe shoqatave te shqiptareve qe kane emigruar ngab trojet etnike nen Malin e Zi,te organizuar rrethe levizjes “Atdheu ns Bashkon” oganizuan Konferencen e Trete ne Holidej In ne Nju Jork. [më gjersisht] [shiko fotografitë] [komentoje në forum]

Tre filma shqiptarë në Beverly Hills

Tre filma shqiptarë udhëtojnë drejt Beverly Hills-it. Nga data 18 deri në 24 maj në Bverly Hills zhvillohet Festivali i Filmit të Evropës Juglindore. Filma që kanë fituar çmime në vendet e tyre, por edhe në aktivitete të tjera ndërkombëtare, nga Shqipëria, Bullgaria, Bosnja, Kosova, maqedonia, Serbia, Sllovenia dhe Shtetet e bashkuara të Amerikës do shfaqen në ekranin e madh amerikan. Fillimisht festivali do zhvillohet në ambientet e Institutit “Goethe” në Los Angeles. Do jetë prodhimi shumëkombësh “Whose is this song” dhe një histori dashurie, bashkëprodhim gjermano-maqedonas “Contact”, që do ngrenë siparin e festivalit. Dita e dytë i kushtohet filmave shqiptarë. Do jenë pikërisht filmat “I dashur armik” me regji të Gjergj Xhuvanit, “Tirana, viti zero”, me regji të Fatmir Koçit dhe filmi kosovar me metrazh të shkurtër “Kosova 9/11”. Prodhime këto që sjellin periudha kyçe në jetën shqiptare, siç është ajo gjatë Luftës së Dytë Botërore, vitet e tranzicionit pas rënies së regjimit komunist dhe lufta në Kosovë. Festivali do vijojë me “Pretty Dyana” nga Serbia, filmi boshnjak “Borderline Lovers” ku flitet për tri çifte të martuara që duhet të kapërcejnë ndarjet etnike mes tyre, për tu vijuar nga prodhimi me metrazh të shkurtër “The way we played”, po nga Bosnja. Shkencëtari vizionar, serbo-amerikani Nikola Tesla përkujtohet në 21 maj përmes dokumentarit “Tesla: master of lightning”, për të vijuar me filmin me metrazh të shkurtër “Paperboat” nga Greqia. Festivali do mbyllet me filmin grek “BUZZ”, i cili flet për jetën e skenaristit të njohur A. Bezzerides, i cili lindi në vitin 1908 në qytetin e Samsunit, në Turqinë e sotme, atëherë nën Perandorinë Osmane dhe në moshë shumë të re shkoi në Amerikë. Ndërkohë që parashikohet edhe një mbrëmje “Gala”. Festivali organizohet nga “American Cinema Foundation”, “California Advertising”, “Goethe Institute” Los Angeles, “California Youth Theatre”, “Lola et moi” dhe “Studio Screenings”. Sipas organizatorëve të festivalit, synohet që përmes shfaqjes që këtyre filmave të mund të bëhet e njohur kultura dhe tradita e një rajoni, që nuk njihet shumë prej publikut amerikan. Jo shumë ditë më parë në kuadrin e Javës Evropiane të Kulturës, u organizua në Leçe të Italisë Festivali i Filmit Evropian, gjatë të cilit u shfaqën edhe filmat shqiptarë “Tirana, viti zero”, “Natë pa hënë”, “Letra ere” dhe “Lule të kuqe, lule të zeza”.

shekulli online

Pranoji të metat e trupit tënd

Të arrish të jetosh në paqe me trupin dhe me të metat e tij është një hap shumë i rëndësishëm për të kaluar në disponibilitet të plotë seksual.
Kështu thonë psikologët dhe këtë ata e bazojnë në studime të gjata dhe profesionale që janë bërë gjatë kalimit të viteve. Por natyrisht, një gjë e tillë nuk është aspak e lehtë. Shqetësimi që shumë femra kanë për të metat e trupit të tyre dhe për faktin se ato nuk janë të përsosura, shpesh e bllokojnë trurin e tyre dhe nuk i ndihmon ato të jenë plotësisht të qeta gjatë aktit seksual. Zgjidhja është e thjeshtë: Nëse partneri juaj ka vendosur të bëjë seks me ju, atëherë ai nuk i shikon dhe nuk i konsideron fare të metat e trupit tuaj. Po ju, pse duhet të mendoni për to?

shekulli online

Madona nuk ndryshon.Çdo gjë që ajo bën është modë

Për albumin “Confession on a Dance Floor”, si në çdo album tjetër ylli i muzikës ka një “look” të ri, që në mënyrë paradoksale kontribuon në përforcimin e shprehjes së personalitetit të saj.

Gjatë dhënies së çmimeve ‘Awards', mund të zbulonim edhe një Madona të re: një badi me një bluzë ngjyrë violet të firmës Gucci dhe çizme të thjeshta, pa harruar edhe diamantët me vlerë 30 mijë Euro, që këngëtarja i kishte vendosur në qerpikë. Pamja e saj e jashtme gjatë prezatimit të disqeve të reja është njësoj shokuese sa edhe prodhimi muzikor. Të gjithë ata që qëndrojnë pas saj tregojnë se ajo gjithnjë e magjeps publikun. « Ajo e ka kuptuar se muzika dhe pamja e jashtme shkojnë bashkë », thotë Jean Paul Gaultier, krijuesi që ka bashkëpunuar me yllin e muzikës që prej viteve '80-të. Që kur nxjerr një album, ajo hyn në një temë muzikore dhe në një personazh të ri». Përsa i përket këngëtares, është shumë e vështirë se gjithçka mund të përfshihet në një çështje marketingu.

Krizë në familjen Beckham

Sipas revistave britanike, Victoria dhe David Beckham jane duke kaluar nje moment te veshtire.Te dy ata jane te merzitur nga jeta ne Spanje.Eshte profesioni i David qe i ka stabilizuar ata ne Spanje, por duket se Victoria kurre nuk e ka perjetuar me entuziazem kete vendim.Kohet e fundit duke u nisur nga zerat e tregut boteror te futbollisteve, mesojme per mundesine e rikthimit te David Beckham ne Britani .Ky lajm me shume se te apasionuarit e futbollit duket se ka gezuar familjen Beckam.Ata kurre nuk jane pershtatur siç duhet me jeten shoqerore spanjolle.Aq me shume Victoria. Eshte ajo qe po nxit te shoqin per tu transferuar, sepse ajo eshte aq shume e merzitur nga Spanja, sa eshte gati te kerkoje divorcin, vetem per t'u larguar prej andej.

shekulli

Dy medalje të arta për Ivezajn

Taekwondoisti nga Malësia, me banim në SHBA, Zoran Ivezaj, përsëri kthehet me dhurata të arta.

Në Kampionatin "Arnold Martial Arts World Games" "30th Battle of Columbus" të organizuar në Kolumbus, Ohajo, SHBA (4, 5 dhe 6 mars 2006), përfshin garat në 30 sporte botërore (gjimnastikë, vallëzim, kickboks, karate, xhudo, taekwondo, tang so do, kung fu, xhijuxhitsu, ekzibicione të ndryshme, forma të sinkronizuara, forma me armë, luftë me sopata…), merr pjesë edhe taekwondoisti Zoran Ivezaj. Në këtë kampionat ai mori pjesë në luftë dhe demonstrim. Fillimisht u zhvilluan garat në thyerjen e dërrasave, ku në mesin e 15 garuesve Ivezaj zuri vendin e parë. Pastaj, luftat vazhdojnë ditën e shtunë më (5mars), ku Ivezaj fiton dy luftëra me nga dy pikë dallim nga kundërshtari. Në ditën e fundit të kampionatit (më 6 mars) ishte dita e fatit për garuesin Ivezaj, ku në të tri luftërat e zhvilluara, ai bëri 3 "knock downs", ku asnjë luftë nuk zgjati më shumë se një raundë.
Për Ivezajn kjo është një ngjarje e papërshkrueshme, për shkak se, siç deklaroi ai, në këtë kampionat u takua me figurat më të njohura botërore në sport.
"Arnold Schwarzenegger është personi të cilit i duhet falënderuar për këtë gjë. Ky kampionat organizohet çdo vit në fillim të muajit mars", thotë Ivezaj duke shtuar se në Kolumbus, Ohajo, SHBA pati rastin të takojë edhe Arnold Scharzenegger-in (Legjend Bodybuilder, Actor dhe Kryetar i Qeverisë së shtetit të Kalifornisë), Ronie Coleman-in (Mister Olympia për 4 vite me radhë), Dexter Jackson-in (fitues i Arnold Classic vitin e kaluar si dhe ketë vit), Remy Bonjansky-n (K-1 champion), Jeniffer Nicole Lee (Modele), Jeramy Freeman-in (Bodybuilder), Sean Allan-in (Bodybuilder), Jimmy Mentis-in (Bodybuilder), Timea Majorova (Modele), Priscilla Tuft (Modele) etj.…

nga koha javore

Të ndarë nga lufta, takohen pas 64 vjetësh

64 vjet pa patur asnjë lajm nga njëri-tjetri. Pas 62 vjetësh më në fund takimi. Florence dhe Joe Buzalewski nuk arritën t’u besonin syve , kur të dy arritën të kuptojnë kush ishin në azilin ku jetonin. 91 vjeç ajo dhe 82 vjeç ai, të dy të moshuarit u ndanë përfundimiht nga njëri-tjetri nga lufta.
U panë për herë të fundit në vitin 1942, kur ai futur në forcat ushtarake amerikanë u nisë për të luftuar në Japoni . Nganjëherë fati bashkon atë që njeriu ndan. Florance dhe Joe e festuan takimin e tyre më një tortë të ofruar nga shtëpia e pushimit ku ata jetojnë.

Shikimi qe vret

Mallkimi me anë të syve ka baza shkencore. Fuqia e shikimit është shumë e madhe nga ç’mund të mendohet, sa mund të thuhet edhe ndryshe shikim vrasës. Sipas gazetës më të madhe ruse “Pravda”, nga sytë e një njeriu mund të dalë fuqia shkatërruese e një lazeri. Një energji negative që mund edhe të të vrasë.
Gazeta ruse “Pravda”, tregon edhe disa raste të dokumentuara ku një gjë e tillë ka ndodhur. Në këtë artikull tregohet edhe mendimi i një shkencëtari rus, drejtor i insitutit teknologjik të informacionit, Vladimir Hokkanen, i cili konfirmon se një shikim shumë intensiv mund të vrasë ose të krijojë probleme me shëndetin. Kjo si pasojë e sinjaleve me frekuencë të lartë që organet e shikimit mund të trasmetojnë. Por një gjë e tillë nuk është se ndodh tek të gjithë personat, por vetëm në disa persona të veçantë.
Një gjë e mirë që nuk është një efekt që japin të gjithë, sepse me gjithë personat antipatik që mund të jemi të rrethuar do të ndodhte ndonjë katastrofë.

Parashqevi Simaku nënshkruan kontratë në Hollywood për CD-në e saj të re "Jehonë nga Iliria"

Muza Records nga New York si dhe Lunaticworks dhe Reincarnate Music nga Hollywood njohtojnë se këngëtarja e njohur Parashqevi Simaku ka nënshkruar kontratën për publikim mbarëbotëror për CD-në e saj të re në gjuhën shqipe Jehonë nga Iliria ("Echoes from Iliria"). Në SHBA, albumi do të prodhohet dhe shpërndahet nga Sony/BMG Music Entertainment (Michael Jackson, Mariah Carey, Britney Spears, etj.).

"Jam shumë e lumtur që kam rastin të ndaj muzikën time në skenë ndërkombëtare" u shprehë Simaku. "I falënderoj Robert dhe Jason Whittington që e mundësuan këtë. Për mua Shqipëria gjithmonë do të jetë vendi i poezisë, heronjve dhe muzikës."

Whittington nga Lunaticworks/Reincarnate u shpreh "Ne jemi shumë të emocionuar për nënshkrimin e Simakut, artiste me talent unik. Rrënjët e muzikës së saj janë të padëgjuara në pjesën e madhe të botës moderne dhe zëri e muzika e saj kanë thirrje globale."

Jehonë nga Iliria përbëhet nga 10 këngë origjinale shqiptare të cilat ndërlidhin popullorën antike shqiptare dhe modernizmin amerikan. Simaku e shkroi dhe prodhoi albumin me producentin/kitaristin dhe bashkëshortin e saj Robert Nolfe. CD-ja e plotë do të dalë në shitje nëpër shitoret amerikane më 21 shkurt e publikuar nga Sony/BMG ndërsa mund të porositet përpara në websitet e Tower Records, Amazon, Best Buy, etj. Singli Haxhirea mund të dëgjohet tek www.muzarecords.com.

Muza Records gjindet në NY, dhe është shtëpia e botës muzikore të Simakut dhe Robert Nolfe. Sony/BMG është distributori më i madh në botë i muzikës dhe gjindet në NY. Lunaticworks, e udhëhequr nga veterani i industrisë muzikore Jason Whittington si dhe Reincarnate Music janë që të dyjat në Hollywood, CA.

Iliria.net

PRESIDENTI RUGOVA KA THËNË

KOSOVA E PAVARUR DHE NEUTRALE E HAPUR NDAJ SHQIPËRISË DHE SERBISË” ”Kosova e pavarur është realitet. Nga ana jonë tash presim edhe njohjen formale, pra njohjen zyrtare. Unë insistoj që kjo të ndodhë sa më shpejt, sepse do ta qetësonte këtë pjesë të Evropës dhe të botës.”

"Kompromis për ne është pavarësia. Këtë e kam thënë një mijë herë dhe kjo do të jetë sepse siç e dini ne nuk kemi kërkuar bashkim me Shqipërinë, pasi që jemi të vetëdijshëm që një zgjidhje e tillë do të hapte probleme të tjera.
Mirëpo shteti i pavarur dhe sovran është vullnet i popullit të Kosovës dhe është zgjidhje e pranueshme për të gjithë shqiptarët, kudo që jetojnë si dhe kjo do të ishte zgjidhja më e mirë edhe për fqinjët tanë, por edhe për Serbinë, e cila fatkeqësisht ende po refuzon ta kuptoj realitetin e ri që është krijuar në Kosovë pas intervenimit të NATO s" (9 qershor- 2005).

* * *
"Me shtimin e represionit serb, ne kemi zbuluar në vete burime të tjera durimi, organizimi, që me Lidhjen tonë po provojmë t'i vëmë në veprim. Paradoksalisht, kujtoj se kemi arritur atë që nuk e kishim arritur gjatë kohë: një liri të brendshme. Po e paguajmë shumë shtrenjtë dhe është e pasigurt".

* * *
"Unë dua të mbaj pak më shumë shpresë dhe ta shtyj çështjen, në mënyrë që shqiptarët të rezistojnë, me këtë rrugë të jodhunës që kemi zgjedhur hëpërhë, qoftë edhe nëse duhet që një ditë politika jonë të bëhet pak më agresive ndoshta".

* * *
"Praktika kundër dhunës në këtë situatë i përgjigjet në një farë mënyre karakterit tonë, një tradite të durimit dhe qëndrimit Me anën e kësaj rezistence aktive të bazuar mbi kundruall gjithë dominimeve jodhunën dhe solidaritetin, ne “jemi gjetur”. Sot ia kemi dalë të prekim këtë pikë të shpirtit të popullit shqiptar".

* * *
"Unë kam kërkuar shpesh në fillim të këtij viti, deri në ditët e sotme, mbrojtjen ndërkombëtare për disa vjet, me qëllim që të qetësohet situata dhe të mëkëmben institucionet demokratike.

Pastaj, do të mund të flitnim për statusin e Kosovës. Mendoj se solucioni më i mirë transitor, apo provizor, për të penguar konfliktin apo konfrontimin, është kjo formë e protektoratit ndërkombëtar, ajo që amerikanët e quajnë trusteeship system.

Në planin e paqes që ua propozova Kombeve të Bashkuara, kërkova dërgimin e trupave të OKB-së apo të NATO-s, masa për të kontrolluar forcat ushtarake; njëkohësisht të njëjtat propozime ia përcolla edhe Konferencës së Gjenevës".

***

“Në jetë, duhet pasur vullnet e durim – të mirat vijnë pastaj”

***

“Të kemi durim e të dëgjojmë më të fortin”

***

“Jeta është gjithmonë me detyra, me sfida. Unë fjalën sfidë fort s’e preferoj...”

***

”E ardhmja nuk është më ëndër...”

***

”Pavarësinë e Kosovës mund ta garantojnë vetëm se Shtetet e Bashkuara të Amerikës”